Franske bønder har no i praksis kringsett (beleira) Paris i protest mot den grøne politikken under leiarskapen til WEF-disippel Emmanuel Macron. Protesten har fått namnet Siege of Paris, «kringsetjinga/beleiringen av Paris», og kan trygt sjåast på som ein krig mellom dei med sunt bondevit (bokstavleg tala!) og den røyndomsfjerne eliten, der sistnemnde heller vil tilpasse terrenget til kartet enn omvendt.

Nettstaden YourNews skriv (mi omsetjing):

«I ein betydeleg protest som har fått namnet ‘Kringsetjinga av Paris’, byrja tusenvis av bønder ein blokade av Paris måndag [29.januar 2024], der dei brukte traktorane sine til å stengje hovudinnfartsårer som leiar inn til byen. Denne protesten er ein måte å markere motstand mot den grøne politikken som dei hevdar er øydeleggjande for næringa si. Dette arrangementet markerer ei eskalering i serien av opptøyar som har karakterisert presidentskapen til president Macron.

Bønder har drive og uttrykt misnøya si mot Frankrike, og på måndag intensiverte dei handlingane sine ved å stengje ned viktige nøkkelvegar rundt Paris. Ifølgje Le Figaro, lykkast bønder i å setje opp blokadar på åtte større hovudvegar, noko som påverka 16 motorvegar og 30 departement rundt byen. Parallelle protestar fann stad i minst 40 andre stader rundt om i landet.

Eit minneverdig symbol på protesten var ei dokke med likskapen til president Macron som hang ved sida av traktorar under ein vegblokade på A6-motorvegen nær Villabe, sør for Paris.

President Macron har planar om å halde eit krisemøte med regjeringsministrar for å diskutere landbrukssituasjonen, medan statsminister Gabriel Attal etter planen skal forhandle med leiarar av FNSEA bondefagforeininga og Unge bønder.

Trass nylege erkjenningar av statsminister Attal, har bønder kravd protestane, og avvist desse tilbaka som ikkje gode nok. Frustrasjonen til bøndene har sitt opphav i dei EU-påtvinga grøne retningslinjene, som dei argumenterer set ei urimeleg tung bør på dei, spesielt i lys av aukande drivstoffkostnader og inflasjon. Partiet til Macron i Brüssel, ein vesentleg støttespelar til klimaendringssaka, har av bønder og populistiske politikarar fått skulda for desse utfordringane.

Luc Janottin, presidenten i FDSEA bondefagforeininga i Yvelines, la vekt på at blokaden er symbolsk, heller enn eit forsøk på å fullstendig forstyrre trafikken, og har fastslått deira intensjon om å vise tilstadeveringa si fordi dei er utmatta av overregulering.

I tillegg til Paris har bønder blokkert kritiske innfartsårer til Marseille og utført ei kringsetjing utanfor Lyon, der tenestepersonar rapporterer om ‘snegleoperasjonar’ og stilleståing på hovud-motorvegar.

Konflikten mellom tilhengjararar av høvesvis landbruket og den grøne agendaen er forventa å vere eit hovudtema i dei komande vala i EU-parlamentet, der landsbygdsamfunn i Frankrike, Tyskland, Polen, Romania og tidlegare Nederland sette seg til motverje mot grøne retningslinjer.

Ei hovudbekymring blant bønder er EU si avgjerd om å tillate tollfri tilgang til landbruksvarer frå Ukraina, som dei argumenterer tvingar ned deira eigne prisar på grunn av låge arbeidskostnader og mangel på EU-retningslinjer i Ukraina. Dette har spesielt råka industriar slik som sukker, der FNSEA-leiar Arnaud Rousseau sette fokus på vanskar for europeiske bønder å drive føretak på grunn av auka import som følgje av den russiske invasjonen.»

Videoar av «kringsetjinga» kan sjåast her og her.