Niamh Harris på nettstaden The People’s Voice rapporterer:

Den russiske presidenten Vladimir Putin har sagt at den ukrainske presidenten Volodymyr Zelensky ikkje lenger har legitimitet etter at femårsperioden hans gjekk ut.

Putin sa òg at dette vil reise ei juridisk hindring dersom Russland og Ukraina skulle halde fredssamtalar.

Han la vekt på at Russland forblir klare til å gjenoppta fredsforhandlingar med Ukraina, men ikkje med ein illegitim president.

Putin kom med kommentarane sine under ein pressekonferanse i Minsk på fredag [24.mai 2024] etter samtalar med den kviterussiske presidenten.

IFP News rapporterte: President Zelensky sin legitimitet har gått ut, og Moskva vil handle utifrå dette faktum, har Russlands president Vladimir Putin sagt.

«Naturlegvis er vi klare over at legitimiteten til det noverande statsoverhovudet [i Ukraina] har teke slutt,» sa Putin under ein pressekonferanse i Minsk på fredag etter samtalar med den kviterussiske presidenten Alexander Lukashenko.

Putin tilrådde at alle som ser etter svar når det gjeld den juridiske statusen til Zelensky, må lese i den ukrainske grunnlova – som ikkje tillèt den kunstige forlenginga av presidentperioden hans under påskot om krigslover.

Lukashenko sa seg einig i vurderinga til Putin, og sa at «der er ingen juridisk integritet, og der kan ikkje vere nokon juridisk integritet» om dette spørsmålet.

«I alle tilfelle trur eg at verken den noverande eller den framtidige presidenten kan løyse dei store problema som staten Ukraina og folket i Ukraina står overfor. Desse problema kjem ikkje til å bli løyste av presidentar. De veit kven som vil avgjere dei. Mykje har allereie blitt avgjort over sjøen, og det som ikkje har blitt det, vil bli det seinare,» la Lukashenko til.

Den kviterussiske presidenten la til at der var mange folk i Ukraina, både i militæret og blant sivile, som gjerne ville ha leia landet, og «på ein ny måte, anten med krig eller mot krig.»

Ein trassig Zelensky har avvist spørsmål om legitimiteten sin frå sine kritikarar i Ukraina, og frå Kiev sine vestlege «partnarar»:

«Min femårsperiode er ikkje over enno. Den held fram på grunn av krigslov,» sa Zelensky til Reuters tysdag [21.mai 2024].

Omsett av redaksjonen i Saksyndig.