Grzegorz Adamczyk på nettstaden ReMix News rapporterer:

I ei slåande scene laurdag kveld avdekte fans av Legia Warszawa, kjent for sine sterke meiningar om ymse sosiale, politiske og historiske tema, ein plakat som hadde med temaet migrasjon i Polen å gjere.

Seremonien før kampen mot Zagłębie Lubin, som markerte starten på den nye sesongen i den polske toppfotball-ligaen, Ekstraklasa, inneheldt ein plakat med orda «Velkomen, flyktningar». Derimot kom den tilsynelatande gjestfrie meldinga med ein bismak.

Plakaten førestilte tre figurar som ønskte innvandrarar velkomne: to menn, der den eine heldt eit balltre medan den andre heldt ein hammar, og ei ung dame med ei lang, blond flette og eit smykke med eit kors som anheng; kvinna heldt fram eit grisehovud på ein tallerken.

Dette biletet har blitt tolka som ein kvass kritikk av EU-migrasjonspakta, som påbyr medlemsstatar, inkludert Polen, å ta imot ulovlege innvandrarar. Terminologien «Velkomen, flyktningar» er òg namnet på ei rørsle som byrja i Tyskland i 2014, som hadde som mål å hjelpe flyktningar som kom til Europa på den tida.

Legia Warszawa-supporterar har tidlegare uttrykt ståstaden sin rundt temaet ukontrollert masseinnvandring, mest merkbart i oktober i fjor med ein plakat der det stod «Vi ønskjer ikkje Berlin, Lampedusa eller Frankrike her – nulltoleranse for innvandrarar!»

Nyleg valde fansen seg òg ut Warszawa-ordførar Rafal Trzaskowski med ein plakat der det stod: «Trzaskowski, hald fingrane vekke frå korset» som respons på eit dekret som forbaud å vise fram kors i dei kommunale bygningane i byen, og forbaud kommunalt tilsette å vise fram religiøse symbol på skriveborda sine.

Omsett av redaksjonen i Saksyndig.