Grzegorz Adamczyk på nettstaden ReMix News rapporterer:

I løpet av det siste året har Polen registrert meir enn 140 000 fleire dødsfall enn fødslar, ifølgje Statistikk Polen (GUS).

Den demografiske nedgangen i landet blir stadig meir openberr. I mai i år vart 32 500 dødsfall registrert medan berre 21 000 fødslar vart registrert. Juni følgde eit liknande mønster med 29 000 dødsfall samanlikna med 19 000 fødslar.

Dei siste 12 månadene har Polen registrert 259 900 fødslar mot 403 700 dødsfall. Innføringa av 500+ barnetrygdprogrammet (no 800+) i 2016 fekk i byrjinga fødselsraten til å stige, men denne auken gjekk tilbake innan byrjinga av 2018, og har sidan stupt.

Polen står no overfor den skarpaste befolkningsnedgangen i EU. Ifølgje Eurostat fall den polske befolkninga i fjor med nesten 133 000, langt meir enn nedgangen i Hellas (16 800) og Ungarn (15 100). Blant dei 27 EU-landa har sju registrert befolkningsnedgang, medan dei gjenverande 20 opplevde auke, leia av Spania (+525 000), Tyskland (+330 000) og Frankrike (+229 000).

Ekspertar åtvarar at dei demografiske utfordringane vil påverke den framtidige jobbmarknaden og pensjonsutbetalingar. «Større kohortar pensjonerer seg, noko som tydar at talet individ i arbeidsfør alder minkar, noko som fører til at færre støttar ei veksande gruppe av pensjonsmottakarar,» sa Oskar Sobolewski, ein ekspert innan pensjon og arbeidsmarknad ved HRK Payroll Consulting.

GUS rapporterte at befolkningssituasjonen i nasjonen har vore utfordrande i mange år, med særs låge fødselsratar, høge dødsratar og færre ekteskap enn i 2022, noko som gjer den noverande demografiske trenden verre. Regjeringa sitt statistikk-kontor åtvara at betydeleg positive endringar i den demografiske stoda ikkje burde bli forventa i næraste framtid.

Omsett av redaksjonen i Saksyndig.