Dénes Albert på nettstaden ReMix News melder:

Den russiske presidenten Vladimir Putin samla i all hast Det russiske tryggleiksrådet onsdag [7.august 2024] etter at ukrainske soldatar rykte inn i den russiske Kursk-regionen, rapporterer den russiske Telegram-kanalen «Brief», der dei siterer ei kjelde som kjenner til saka.

Ukrainske soldatar greidde til og med å konsolidere posisjonane sine og okkupere fleire stader, medan Kyiv [Kiev]-styresmaktene er musestille om aksjonen i regionen, ifølgje The Moscow Times.

I forkant av møtet i Tryggleiksrådet, skal Putin møte regjeringsmedlemmer, sa ei kjelde til Brief. Medlemmer av forumet inkluderer leiarane av tryggleiksetablissementa, presidentane av begge kammera i det russiske parlamentet (Stats-dumaen og Føderasjonsrådet), utanriksminister Sergei Lavrov, tidlegare president Dmitry Medvedev, noverande visesekretær for rådet, og hans sekretær, Sergei Shoigu, ein tidlegare forsvarsminister.

Det russiske forsvarsministeriet erkjende onsdag at dei kjempar for å kaste ut ukrainske soldatar som gjekk inn i grenseregionen Kursk ein dag tidlegare, og at dei framleis kjempar på andre dagen på rad, skreiv EFE og Reuters.

«I løpet av den siste natta har avsnitt frå dei russiske føderasjonsstyrkane, saman med einingar frå grensevakter (under Den føderale tryggleikstenesta / FSB) halde fram med å kjempe mot ukrainske hærsoldatar i område i Kursk-regionen som ligg ved den russisk-ukrainske grensa,» var det å høyre i ei melding frå ministeriet. «Operasjonen for å eliminere ukrainske hæreiningar held fram.»

Ifølgje den velkjende russiske militærbloggaren Rybar, skal ukrainske soldatar visstnok ha forsterka tre stader i Kursk, der rundt 400 kjempande har gått inn, og ytterlegare 2000 ukrainske soldatar visstnok skal vere stasjonert på grensa.

Enkelte russiske Telegram-kanalar hevdar at ukrainske soldatar har avansert 10 kilometer inn i russisk territorium. Guvernøren i Russlands Kursk-region, Aleksej Smirnov, sa at han har diskutert grensekryssinga med president Vladimir Putin, som sikra han at han skulle få all hjelp som er naudsynt for å stabilisere situasjonen.

«Situasjonen i regionen kan kontrollerast,» sa han, og la til at tusenvis av menneske i fleire småbyar nær grensa har blitt evakuert.

Omsett av redaksjonen i Saksyndig. Dette er ei pågåande sak, og situasjonen kan dermed raskt endre seg.