Belle Carter i Natural News melder:

Politiet i Storbritannia har arrestert rundt 1024 anti-masseinnvandrings-protestdeltakarar, der 575 av dei har blitt tiltala for «å vigle opp til uro» eller «piske opp hat» på sosiale media. Tala er langt høgare enn talet menneskehandlarar som vart arrestert i fjor.

Ifølgje reportasjar har protestdeltaktarar blitt dømt av bagatellmessige grunnar, slik som å rope til politiet. Enkelte vart taua inn for å leggje ut «unøyaktig informasjon» om personen med innvandrarbakgrunn som er mistenkt i ei dødeleg masseknivstikking i Southport, som utløyste den noverande uroa. Enkelte av dei arresterte er barn, inkludert minst to gutar i alderen 11 og 12.

Sidan byrjinga på august har rally blitt haldne i fleire småbyar og byar over heile Storbritannia, inkludert større byar slik som London, Glasgow, Belfast og Manchester. Dette inkluderte utanfor London-kontoret til Nigel Farage sitt Reform UK-parti.

Statsminister Sir Keir Starmer hadde tidlegare åtvara om innføring av drakoniske tiltak mot protestdeltakarane då uroa byrja. Han fordømte det han kalla «høgreekstreme skurkestrekar» og lovde tiltalar og dommar, «kva enn som kan vere årsaka eller motivasjonen», og sa at dei som deltek i vald, inkludert dei som «piskar opp denne handlinga på nettet» kjem til å angre på det. […]

(Sjå òg «Britisk politi byrjar å arrestere borgarar som har blitt ‘debunka’ av faktasjekkarar på Facebook», publisert 19.august 2024.)

I mellomtida har dei som driv med menneskehandel blitt arrestert i langt mindre omfang av den britiske staten, der statistikk frå Home Office [det britiske innanriksdepartementet; oms.an.] viser berre 246 arrestasjonar i fjor saman med berre 86 førarar av småbåtar som transporterte ulovlege innvandrarar over Den engelske kanalen.

I fjor kryssa nesten 30 000 ulovlege innvandrarar Kanalen i småbåtar, men særs få vart arresterte for «ulovleg ankomst». Sjølv om ein tek med i reknestykket arrestasjonar av ulovlege innvandrarar som jobbar utan løyve, kom det totale talet arrestasjonar på berre 380 i 2023.

Starmer hevda at han kom til gjere noko med kanalkrisa, men so langt i år har over 33 000 prøvd eller lykkast i å kome seg til England, med ein betydeleg auke av kryssingar sidan Labour-partiet tok over makta etter Det konservative partiet.

Kritikarar skuldar Starmer so vel som påtalestyresmaktene og politiet for tolags-rettssystem, der mobbar av muslimske motdemonstrantar kan trakassere journalistar og gå til åtak på kvite britar, sidan politiet innførte ei ikkje-konfronterande tilnærming etter konsultasjon med sokalla «samfunnsleiarar».

I tillegg har den nye Labour-regjeringa allereie lagt på is Rwanda-deportasjonsplanen for den 18 år gamle mistenkte britiske statsborgaren, som har foreldre frå Rwanda. Dette ville ha medført at ulovlege innvandrarar vart frakta til det afrikanske landet for å krevje asyl, og fleire hundre millionar av skattebetalarane sine pengar har allereie blitt sløst vekk på å gjere dette opplegget klart.

Den britiske regjeringa skal innføre kriseplan sidan fengsla er fylt opp av «opptøydeltakarar»

Nokre veker etter at anti-masseinnvandringsprotestane braut ut i landet, har den britiske regjeringa tenkt å setje i verk ein kriseplan for å unngå overbefolkning i fengsla, ifølgje reportasjar.

(Sjå òg «2000 innsette skal sleppast ut før tida for å frigjere plass for opptøydømde i Storbritannia», publisert 22.august 2024.)

«Operasjon Early Dawn» er ein lenge planlagt plan der tiltalte som ventar på å få kome i retten skal haldast i politiceller til fengselsceller blir ledige.

Rapportar indikerer at påtalestyresmakter prøver å få fortgang i rettssaker for folk som er skulda for involvering i dei nylege opptøyane. Per dags dato har 927 blitt arrestert i samband med dei alvorlege forstyrringane, og 466 av dei vart tiltala per sist måndag [19.august 2024].

Leiar i fagforeininga Prison Officers’ Association, Mark Fairhurst, spådde at ei erklæring om «Operasjon Early Dawn» kunne kome so tidleg som måndag.

«Eg kan med tryggleik seie eit eller anna tidspunkt denne veka, fordi dei har sopass alvorleg plassmangel – og då vil Operasjon Early Dawn bli iverksett,» sa han til Sky News, og skildra operasjonen som «essensielt eit triage-system for fangar som sit i politiceller».

Han sa at dei berre ville ta dei fangane for retten som dei kunne garantere ei fengselscelle til. Dette tydar at berre dei mest alvorlege brotsverka vil bli høyrt i retten.

«Men dersom nokon må vere i fengsel, so skal dei vere i fengsel, og då skal vi finne ein plass til dei,» sa han.

Omsett av redaksjonen i Saksyndig. Sjå òg denne videoen om britiske protestdeltakarar som blir fengsla for å «vigle opp til vald» på sosiale media.