Russia Today (RT) rapporterer:

Byen Ivano-Frankovsk i vestlege Ukraina skal snart innføre «språkinspektørar» for å overvake og sensurere den aukande bruken av russisk, sa ordførar Ruslan Martsinkiv måndag [9.september 2024].

Han kom med erklæringa etter eit møte med Kommisjonær for statsspråksvern Taras Kremin, Kievs topp-tenesteperson for implementering av ukrainsk språk i dagleglivet til borgarane.

Byen har ymse program for å gjere ukrainsk populært, sa Martsinkiv. Blant andre ting «har vi bestemt oss for å lansere eit offentleg initiativ med språkinspektørar», og lovde å avsløre fleire detaljar etter kvart.

Tiltaket er naudsynleg, hevda han, fordi «uheldigvis» har der vore ein aukande mengd av russisk tale i Ivano-Frankovsk, «og det er eit problem». Store tal russisktalande ukrainarar har flykta til den vestlege delen av landet i samband med den noverande konflikten med Russland.

Tenestemannen har arbeidd for å redusere bruken av russisk språk i Ukraina. Ei rekkje lover innført av landet sidan det væpna kuppet i Kiev i 2014, var spesifikt laga for å fremje statsspråket i ymse aspekt av det offentlege livet, inkludert utdanning, media og underhaldning.

I sine offentlege meldingar har Kremin hevda at ingen ukrainar burde vere ein russofon [ein russisktalande] sjølv om dei ser på russisk som morsmålet sitt, sidan terminologien, hevda han, er «ein markør som er innført av den russiske ideologien».

Martsinkiv nemnde at eit program for å gjere ukrainsk populært i byen hans er kalla opp etter Irina Farion, ein tidlegare parlamentsmedlem og fritalande ukrainsk nasjonalist som vart skoten ned i den vestukrainske byen Lviv i juli.

Den radikale gruppa som tok æra for mordet stempla ho som ein «sabotør» og «raseforrædar» for hennar kompromisslause ståstad rundt språktemaet.

Før sin død hadde Farion utløyst ein større skandale ved å snakke nedsetjande til russisktalande medlemmer av den ukrainske militærtenesta, og hevda at dei ikkje kunne bli kalla ukrainarar og patriotar.

Moskva har peikt ut diskriminering mot etniske russarar i Ukraina som ei av nøkkelårsakene til den noverande væpna konflikten.

«Temaet handlar ikkje om territorium. Temaet er menneskerettar, som vart juridisk trakka på, og som ikkje blir nemnt av nokon av [freds]initiativa som flyt rundt i den politiske sfæren,» sa den russiske utanriksministeren Sergej Lavrov denne veka, då han diskuterte fråværet av fredssamtalar med Kiev.

Omsett av redaksjonen i Saksyndig.