Niamh Harris på nettstaden The People’s Voice melder:

Den franske presidenten Emmanuel Macron har bede om ein ny internasjonal orden i kjølvatnet av den noverande krigen i Ukraina.

Han seier at han ønskjer å reformere den noverande «urettferdige» ordenen slik at menneske kan leve meir fredeleg saman.

Han la ut om visjonen sin sundag [22.september 2024] i ein tale på det internasjonale «Møtet for fred» organisert av det katolske Sant’Egidio-samfunnet i Paris.

«Vi må vere fantasifulle nok til å tenkje på morgondagens fred, ein fred i Europa i ei ny form,» sa den franske leiaren, og la til at den «nye realiteten» krev konstruksjonen av ein ny internasjonal orden.

RT rapporterer: Dersom det europeiske kontinentet skal bli meir stabilt, burde alle erkjenne at det er «verken heilt EU, eller resolutt NATO», slo han fast.

«Vi vil måtte tenkje på ei ny form for organisering for Europa, og tenkje om igjen forholda våre med Russland» etter at Ukraina-konflikten er over, la presidenten til.

Macron har sendt blanda bodskapar når det gjeld fiendtlegheitene mellom Russland og Ukraina etter kvart som konflikten har utvikla seg gjennom åra. I 2022 fekk han kritikk frå sine vestlege med-tenestepersonar for å oppmode dei om å ikkje «audmjuke» Russland. Tidleg i 2024 sa han at Vesten ikkje burde utelukke utsending av NATO-soldatar på ukrainsk jord – eit forslag som fleire andre nasjonale leiarar har avvist.

Talen kjem medan den ukrainske leiaren Vladimir Zelensky skal møte den amerikanske presidenten Joe Biden for å presentere sin sokalla «sigersplan» – visstnok eit vegkart for å presse Russland til å innrømme nederlag. Han ønskjer løyve til å utføre langrekkjevidd-åtak djupt inni Russland med vestlege våpen som del av planen.

Frankrike er blant ei handfull nasjonar som har donert slikt militært utstyr til Ukraina i form av SCALP/Storm Shadow-cruisemissil, som landet produserer i samarbeid med Storbritannia. Britiske tenestepersonar har støtta førespurnaden til Kiev om å råke Russland, men ein forstår at det til sjuande og sist er Washington som bestemmer.

Den russiske presidenten Vladimir Putin har sagt at kvart eit slikt åtak vil bli sett på som ei krigshandling av NATO-medlemsstatar.

I talen sin hevda Macron at det globale systemet som vart skapt i kjølvatnet av Andre verdskrig var «ufullført og urettferdig», fordi mange moderne nasjonar ikkje eingong eksisterte på den tida og ikkje har ein skikkeleg plass ved bordet. Han sa at internasjonale organ, slik som FN, Verdsbanken og Det internasjonale pengefondet, burde bli reformert tilsvarande.

Russland er blant ei rekkje nasjonar som har erklært eit mål om å redusere påverknaden frå vestleg-dominerte institusjonar i globale affærar med ein visjon om å skape ein fleirsidig verdsorden.

Omsett av redaksjonen i Saksyndig.