Russia Today (RT) rapporterer:

Kutt i midlar til BBC World Service har late russiske og kinesiske medieformidlarar til å spreie «uimotsagt propaganda» i det globale sør, har generaldirektøren i den britiske statlege mediegiganten klaga over.

BBC World Service kringkastar på rundt 40 språk til eit publikum på 320 millionar menneske per veke. For to år sidan kutta nettverket meir enn 380 jobbar og stoppa radiosendingar på ti språk, inkludert arabisk og persisk.

I ein tale i London måndag ettermiddag [14.oktober 2024] er Davie forventa å argumentere at «når World Service trekkjer seg tilbake, rykkjer statsfinansierte medieoperatørar inn for å utnytte det», ifølgje kommentarar delte med britiske medieformidlarar i forkant.

Russland og Kina «utvidar sine globale medieaktivitetar – og investerer tungt for å auke publikummet sitt på nøkkelmarknader i Afrika, Midtausten og Latin-Amerika», seier Davie, og hevdar at «i heile Afrika spesifikt er russiske media utruleg aktive i å fremje sine forteljingar, der sosialmedie-påverkarar forsterkar propaganda og sokalla ‘aktivistar’ driv med live-strøyming av pro-russiske rally.»

«Kenya sin rikskringkastar KBC har byrja å sende kinesisk output på TV og radio, og det har òg Libya sin rikskringkastar LBS,» seier han. «I mellomtida, i Libanon, sender russiskstøtta media no på radiofrekvensen som tidlegare var okkupert av BBC Arabic.»

«Og denne investeringa ser eit vesentleg utbyte, ikkje berre når det gjeld rekkjevidda til den russiske kringkastaren BT og den kinesiske CGTN, men òg når det gjeld tillit.»

Davie klagar over at «russiskstøtta» journalistar spreier «uimotsagt propaganda» i Libanon på den dagen der tusenvis av Hizbollah sine kommunikasjonsverktøy på éin gong eksploderte i ein tilsynelatande israelsk sabotasjeoperasjon. «Om BBC hadde vore i stand til å halde på vårt upartiske radio-output, ville desse meldingane ha vore mykje vanskelegare for det lokale publikummet å finne,» påstår han.

Trass at Davie hevdar han er uavhengig, er BBC ein nesten fullstendig statsfinansiert operasjon, finansiert av ei årleg lisensavgift på 169,50 britiske pund (221 dollar) [2397 norske kroner] som alle britiske hushaldningar med ein TV eller eit apparat som kan strøyme sendingar må betale. Det britiske Office for National Statistics klassifiserer avgifta som ein skatt, og BBC som del av «den sentrale statlege sektor» i den britiske økonomien.

Det britiske utanrikskontoret betaler òg 104 millionar pund (135,5 millionar dollar) av World Service sitt årsbudsjett på 334 millionar pund (435,3 millionar dollar), og er den største finansielle støttespelaren til BBC si «Media Action»-avdeling. Denne avdelinga, som òg er finansiert av regjeringane til USA, Canada, Noreg, Sverige, EU, FN og Bill and Melinda Gates Foundation, påstår at dei bruker desse pengane på å kjempe mot «desinformasjon, splitting og mistillit» i to dusin u-land.

Davie sine klagar reflekterer dei til det amerikanske utanriksdepartementet. Etter å ha erjlært ei rekkje sanksjonar mot RT og deira morselskap førre månad, sa departementstenesteperson Jamie Rubin til journalistar at «ein av grunnane… til kvifor ein so stor del av verda ikkje har vore fullt so støttande til Ukraina som ein skulle tru dei ville vere… er på grunn av det breie omfanget og rekkjevidda til RT, der propaganda, desinformasjon og løgner blir spreidde til millionar, om ikkje milliardar, rundt om i verda.»

RT vart forbode på fleire sosialmedie-plattformer etter at sanksjonane vart erklært. Derimot sa nettverket sin viseredaktør, Anna Belkina, etterpå at RT «ikkje skal nokon stad» og «vil halde fram å finne nye måtar å nå publikum – i kvart eit hjørne av verda».

Omsett av redaksjonen i Saksyndig.