Jack Montgomery på nettstaden The National Pulse melder:

I kjølvatnet av Donald J. Trump sin siger tysdag, rullar britiske venstreorienterte The Guardian ut ei rekkje mentalhelse- og støttetenester for sine sønderknuste tilsette. «Eg veit at resultatet har vore særs opprørande for mange kollegaer,» skreiv redaktør Katharine Viner i ein e-post til personalgruppa. Viner skreiv at amerikansk personale vil bli «mest direkte råka av resultatet», og oppmoda internasjonale stabssjefar om å «kontakte våre amerikanske kollegaer for å tilby støtta vår».

Viner skreiv i ein dramatisk tone i e-posten sin, og åtvara at Trumps triumf «kunne lage gjenlyd i ein million år». For å hjelpe personalet med å kome seg gjennom det som ho skildra som ein «alarmerande» situasjon, presenterte Viner ei rekkje tenester som tilsette kunne få tilgang til: britisk personale skal få mentalhelsestøtte, døgntilgang til nettlegar, og «virtuelle velvære-verktøy»; amerikansk personale kan få tilgang til to Tilsett-assistanse-program, og australsk personale kan til og med få tilgang til «profesjonell terapi».

The Guardian er òg ute etter å håve inn pengar på den valde presidenten, der Viner skriv til lesarar og seier «det vil krevje modig, velfinansiert, uavhengig journalisme» for å «stå opp mot» ein gjenoppretta Trump-administrasjon, og ber om pengar for å gjere det.

Tidlegare tente den britiske avisa store pengar på at Wall Street Journal og andre høgprofilserte amerikanske aviser avstod frå å tilråde Kamala Harris, og tilbaud ho si fulle støtte og samla difor inn rundt to millionar dollar.

Omsett av redaktøren i Saksyndig.