Lance D Johnson i Natural News rapporterer:

I dagens samanknytte verd har trådlaus internett-tilgang blitt å finne overalt, i nesten alle kafear, kontor og heimar. Men Wi-Fi-signal er ikkje godarta. Radiofrekvens (RF)-stråling bombarderer konstant cellene og påverkar hjernebølgjer. Av spesiell relevans er bølgjer med ekstremt låg frekvens (ELF), som har potensiale til å forstyrre hjernebølgjer og få ein person til å ubevisst gå inn i ein suggererande sinnstilstand. Wi-Fi er ein vektor for sosial kontroll, og får individ til å overgje si kritiske tenking for å tilpasse seg offisielle narrativ og gruppetenking.

Keith Cutter, ein velkjent kritikar av moderne trådlaus teknologi, har brukt fleire år på å etterforske den mørke sida av Wi-Fi-stråling. Ifølgje Cutter er påverknaden til Wi-Fi ikkje avgrensa til eksponering for direkte stråling, men omfattar òg meir subtile og urovekkjande effektar, inkludert ekstern hjernebølgje-manipulering, kognitiv forstyrring, og det som han refererer til som «Wi-Fi-hukommelseseffekten» på kroppsvev.

Effekten av radiofrekvente elektromagnetiske felt over tid

Wi-Fi fungerer ved å bruke radiofrekvente elektromagnetiske felt, og overfører data via puls-modulert RF-stråling. Medan sjølve teknologien kan verke harmlaus – trass alt slepper dei fleste apparat berre ut relativt låge nivå av RF-stråling – meiner Cutter at den kumulative effekten av denne eksponeringa over tid er langt frå godarta.

Ei av hovudbekymringane Cutter set fokus på, er effekten av bølgjer med ekstremt låg frekvens (ELF), som Wi-Fi sender ut i tillegg til sine RF-signal med høgare frekvens. ELF-bølgjer opptrer frå rundt 3 til 30 Hz, eit frekvensomfang som tilfeldigvis overlappar den naturlege vekslinga av frekvensar i menneskehjernen. Den elektriske aktiviteten i hjernen er delt opp i ulike frekvens-rekkjevidder, der kvar er assosiert med ulike grader av medvit og mental funksjon:

• Delta-bølgjer (0,5 – 4Hz): Assosiert med djup søvn, tilhæling og avslapping.
• Theta-bølgjer (4-8Hz): Knytt til djup avslapping, meditasjon og kreativitet.
• Alfa-bølgjer (8-12Hz): Til stade under rolege, avslappa tilstandar, slik som dagdrøyming eller lett meditasjon.
• Beta-bølgjer (12-30Hz): Assosiert med aktiv tenking, konsentrasjon og problemløysing.
• Gamma-bølgjer (30-44Hz): Involvert i høgare kognitive funksjonar slik som læring, minne og sanseprosessering.

Cutter er mest oppteken av 10Hz-ELF-pulsar, som blir sendt ut av Wi-Fi-tårn. Desse tårna, som konstant pulserer på denne frekvensen, driv rett og slett og kringkastar eit vedvarande signal for å sikre at apparat held seg tilknytte. Cutter meiner at 10Hz-puls kan ha ein djuptgåande effekt på hjerneaktivitet, spesielt ved å indusere eit fenomen kjent som ekstern hjernebølgje-manipulering.

Ekstern hjernebølgje-manipulering frå 10Hz-pulsar kan setje folk i ein suggererande tilstand

Ekstern hjernebølgje-manipulering viser til synkroniseringa av hjernebølgjer til ein ekstern frekvens. Når hjernen blir eksponert for ein konsekvent, ekstern stimulus på ein spesiell frekvens, slik som 10Hz-signalet som blir sendt ut av Wi-Fi, kan den endre sine naturlege hjernebølgjemønster for å matche signalet. Ved 10Hz går hjernen inn i ein meir avslappa tilstand, lik Alfa-bølgjer, som korresponderer med redusert aktivitet i hjernebarken.

Cutter er spesielt alarmert over dette, og åtvarar at langvarig eksponering for 10Hz-ELF-signalet kan skape ein «suggererande tilstand», der hjernen er meir tilbøyeleg overfor ekstern påverknad. Desse eksterne påverknadskreftene inkluderer media, marknadsføring eller til og med underbevisst programmering, der alt dette blir introdusert for menneske medan dei er under påverknad frå Wi-Fi-utsendande apparat.

«Vi snakkar om moglegheita for tankekontroll,» åtvarar Cutter, og antydar at denne forma for hjernebølgjemanipulering kan gjere individ meir sårbare overfor eksterne forslag (slik som hypnose). Manipuleringa kan bli brukt til å tvinge befolkningar til å tru på visse ting eller oppføre seg på ein viss måte, i strid med deira intuisjon, kunnskap, rasjonelle tankar eller instinkt.

Wi-Fi-stråling kan skape ein «hukommelseseffekt»

Ei anna bekymring som Cutter kjem med, er potensialet Wi-Fi har for å ha ein «hukommelseseffekt» på kroppsvev. Dette viser til måten visse elektromagnetiske frekvensar kan bli absorbert og tekne vare på i kroppen, noko som potensielt fører til langsiktige fysiske endringar eller helsetilstandar.

Cutter samanliknar dette fenomenet med traume lagra i kroppen – à la det psykologiske konseptet «traumeminne», der fortidige emosjonelle eller fysiske traume manifesterer seg i kroppen til og med etter at hendinga er over. I tilfellet Wi-Fi antydar han at kroppen kan absorbere strålinga og lagre det i vev, noko som fører til vedvarande helseproblem slik som fatigue, hovudverk og endå meir alvorlege tilstandar assosiert med elektrisk kjenslevarheit.

Wi-Fi er langt frå å vere noko godarta og bekvemmeleg. Det at det er til stade overalt i dagleglivet presenterer ein «skjult epidemi», ein som i det stille påverkar negativt helsa og velværet til personar, og gjer sinna deira meir sårbare overfor suggesjon.

Omsett av redaktøren i Saksyndig.