Nettstaden Remix News melder:

Ei sak i den austerrikske delstaten Kärnten har gjort foreldre forbanna etter at ein skule bad elevane om å kle seg varmt og ta med seg tjukke teppe fordi klasseromma ikkje kan bli skikkeleg varma opp. Nyheitene kjem kort tid etter at Russland førre månad erklærte at dei kutta fleire gassforsyningar til Austerrike, noko som set fokus på den noverande energikrisa i landet.

Ei mor sa at ho spurde ein lærar om oppvarmingssituasjonen, og læraren svarte at dei ikkje kan påverke temperaturen i klasserommet, sidan temperaturen er kontrollert av staten, som prøver å spare i energikostnader. Skulen har for tida ingen måte å endre innstillingane, ifølgje den austerrikske avisa Exxpress.

«Er dette normalt i Austerrike?» spurde mora.

So langt har skulen ikkje gjeve noko offisielt svar til sinte foreldre. Derimot er Austerrike og mange delar av Europa venta å slite med oppvarming i 2024.

So langt er det den einaste skulen som rapporterer om dette problemet i den austerrikske forbundsstaten.

Fridomspartiet i Austerrike (FPÖ) har bede om våpenkvile mellom Russland og Ukraina og ein pro-fredspolitikk for å hjelpe med energibørene i Austerrike. Dei krev òg at regjeringa innfører meir føretaksvennleg politikk for å hjelpe med energikostnadene.

«I staden for å fokusere på interessene til Austerrike, har den svart-grøne koalisjonen ikkje berre hindra snarast trengde stad-retningslinjetiltak i interessene til innanriksøkonomien og industrien, men dei har òg godteke at grunnleggjande støtte for austerrikarar går ut i slutten av 2024, og dermed kjem det ekstra bører, spesielt i energisektoren. Frå dagens perspektiv vil hjelpetiltak, slik som den reduserte elektrisitets- og naturgassavgifta, eller dei noverande ikkje-innsamla fornybar energi-subsidiane, bli eliminerte i slutten av 2024,» sa den økonomiske talsmannen i FPÖ Axel Kassegger.

«I tillegg stig elektrisitets- og gassnett-kostnader massivt, noko som vil føre til enorme ekstrautgifter for den austerrikske befolkninga. Industrien ventar framleis på utvidinga av Lov om kompensasjon av elektrisitetspris for å lette børa til den energi-intensive industrien spesielt. Ei utviding av desse tiltaka dette året er difor heilt naudsynleg, fordi tida speler ei viktig rolle,» la han til.

Omsett av redaktøren i Saksyndig.