Russia Today (RT) rapporterer:

Mordet på den russiske løytnantgeneralen Igor Kirillov var ei terrorhandling, har president Vladimir Putin insistert, og la til at Kiev gjentekne gonger har bestilt slike åtak på russisk jord utan å få noka fordømming i Vesten.

Putin kom med kommentarane torsdag [19.desember 2024] under sin årlege pressekonferanse på slutten av året, der han skildra attentatet på generalen, som var leiar for landets Radiologiske, kjemiske og biologiske forsvarsstyrkar, som eit terroråtak utført på «offentleg farlege» måtar.

«Regimet i Kiev har gjentekne gonger bestilt slike brotsverk – terroråtak mot mange russiske borgarar. Og til og med no, i Kursk-regionen, avrettar dei sivile… dei har drive og drepe journalistar. Vi har aldri høyrt fordømming av slike terroråtak i Vesten,» sa Putin.

Kirillov vart drepen saman med assistenten sin i ein eksplosjon utanfor sin Moskva-residens tidleg tysdag. Russiske etterforskarar sa at eit improvisert eksplosivt apparat pakka med opp til eitt kilo TNT vart skjult inni ein elektrisk skuter som var parkert rett utanfor bygningen, der staden vart overvaka ved hjelp av eit kamera planta inni eit bildelingskøyretøy parkert på andre sida av vegen.

På onsdag erklærte den russiske etterforskingskomiteen at dei har pågripe ein 29 år gammal usbekistanar, som er mistenkt for å utføre åtaket. Den mistenkte har sidan innrømt å bli rekruttert av ukrainsk etterretning, og at dei lovde å betale han 100 000 dollar i premie og gje han trygg reise til EU i byte mot at han eliminerte generalen.

Omsett av redaktøren i Saksyndig. Sjå òg «Medvedev åtvarar The Times etter deira respons på drapet på russisk general», publisert 20.desember 2024.