Tysdag ettermiddag i Italia såg Europa eit nytt døme på den fortreffelege toleransen muslimar viser overfor ikkje-muslimar, som tok imot dei med opne armar i vertslanda og gav dei alt dei aggressivt peikte på. To utanlandske tenåringsjenter gjekk til åtak på ein italiensk passasjer fordi ho sat og åt ein sandwich under Ramadan. Åtaket eskalerte då den 52 år gamle sjåføren greip inn, og han vart òg angripen. Resultatet hjå han vart skadar i ansiktet og knuste briller.

Dette melder Remix News. Dei skriv vidare:

«Ifølgje La Provincia, byrja hendinga rundt 13:20 lokal tid, på G-linje-bussen mellom Cremona og Spinadesco. Dei to jentene skal ha konfrontert ei italiensk jente bak i bussen, og skreik til ho ‘Di fitte! Du kan ikkje ete, det er Ramadan’, for so å gå til fysisk åtak på dei.

Passasjerar skreik etter hjelp, noko som fekk sjåføren til å stoppe på eit busstopp på Via Milano. Han opna dørene og bad gjerningsjentene forlate bussen. I staden for å forlate bussen fredeleg, heldt jentene derimot fram åtaket sitt, og slo den italienske jenta endå ein gong.

Då sjåføren gjekk for å dempe situasjonen, vende gjeringsjentene seg mot han. ‘Ei av jentene slo meg i magen, og den andre knuste brillene mine og klorte meg i ansiktet,’ sa han.

Sjåføren greidde å ringje politiet, som kom raskt til staden – men då hadde valdsforbrytarane allereie rømt frå åstaden.

Den skadde sjåføren heldt fram ruta si til Spinadesco [utan briller!; oms.komm.], før han køyrde tilbake til depotet, der ein kollega tok over skiftet hans. Han vart frakta til akuttmottaket på Maggiore-sjukehuset, der legar diagnostiserte han med ansiktsskadar, ordinerte fem dagar medisinsk kvile, og erklærte han ute av stand til å arbeide i to dagar. Det vart utført ei CT-skanning på grunn av hevelse under auget hans.

Sjåføren har planar om å melde saka til politiet. Han sa òg at jenta som vart dregen til òg hadde synlege ansiktsskadar – kanskje melder ho òg saka til politiet.

‘Noko slikt som dette har aldri skjedd med meg før. Det har vore nære på, men aldri so ille,’ sa sjåføren. ‘Det er alltid den same gruppa – mindreårige. Og, uheldigvis, kor mykje eg enn hatar å seie det, so er dei ikkje EU-borgarar.’»

Han fortel vidare at for halvannan månad sidan vart han verbalt truga av ein gjeng mindreårige innvandrarar. Dei kalla han ein dritsekk og skulle knuse trynet hans. Han ringde politiet, som kom og arresterte dei – men dei kjem diverre alltid tilbake. Bussjåførar i Italia krev i kjølvatnet av saka sterkare tryggleikstiltak på offentleg transport, ettersom mange sjåførar rapporterer om dagleg trakassering og vald.

Stoda er like ille på tog. På regiontoget mellom Porretta og Pianoro i Bologna-provinsen vart ein togtilsett skamprylt av ein passasjer med nord-afrikansk opphav då vedkomande vart beden om å vise billett. Ein togtilsett på eit tog i Genoa vart knivstukken av to nord-afrikanske innvandrarar under ein rutine-billettkontroll. Hendinga fekk seks togfagforeiningar til å erklærte ein landsomfattande streik.

Slike valdsepisodar er vanlege i Europa i dag, som eit resultat av uvørden innvandringspolitikk og manglande integrering og opplæring i vestlege verdiar. Når ein kombinerer dette med intens, endelaus propagandering i media, ei tafatt, hjernevaska befolkning og mangfaldselskande politikarar som vil innynde seg hjå eliten, er katastrofen eit faktum. Ramadan med faste frå morgon til kveld ein heil månad til ende, blir i slike tilfelle ein naturleg forsterkar av ei allereie eksisterande forakt mot vestlege «vantru».

Sjå òg «Fastemånaden for muslimar er i gang: ‘Vanskeleg å halde seg unna jenter,’ seier gut (15)», publisert 1.mars 2025.