Om du går på semaglutid-baserte vekttaplegemiddel slik som Ozempic og Wegovy og kan lese dette, er du heldig. Det europeiske legemiddelbyrået (EMA; engelsk European Medicines Agency) går no ut og åtvarar mot ein augesjukdom som kan forårsake plutseleg, irreversibelt synstap, og som er knytt til nemnde vekttaplegemiddel som mange no bruker for å gå ned i vekt. Saksyndig har ved fleire høve tidlegare skrive om desse populære legemiddela.

Sjå òg «Slankesprøyta Wegovy har HORRIBLE biverknader, men Big Pharma tener fleire titals milliardar i året på den», publisert 5.desember 2023, og «Slankemedisinen Ozempic får skulda for at damer utviklar PERMANENT diaré og tap av tenner», publisert 26.januar 2024.

Ava Grace i Natural News skriv (Saksyndig si omsetjing):

«Ein toppseljande klasse av vekttap- og diabeteslegemiddel – inkludert Ozempic, Wegovy og Rybelsus – har no fått ein nyleg bekrefta risiko: plutseleg synstap.

Det europeiske legemiddelbyråer (EMA) informerte fredag 6.juni at semaglutid – den aktive ingrediensen i desse legemiddela – aukar sannsynet for ein sjeldan, men øydeleggjande augetilstand ved namn ikkje-arteriell fremre iskemisk optisk nevropati (NAION) [på engelsk non-arteritic anterior ischemic optic neuropathy]. Funna, basert på fleire månader lange tryggleiksgjennomgangar, legg til nok ei bekymring om langtidsbiverknadene av legemiddel som har blitt hylla som medisinske gjennombrot.

NAION er ein tilstand forårsaka av utilstrekkjeleg blodforsyning til synsnerven, den kritiske strukturen som overfører visuelle signal frå auget til hjernen. Når nerven er skadd, kan synstap skje plutseleg – ofte utan førevarsel. Det er den nest vanlegaste årsaka til synsnerve-blindheit, nest etter grøn stær [glaukom].

Gjennomgangen til EMA avdekte at vaksne med type 2-diabetes som går på semaglutid har dobbelt so stor risiko for å utvikle NAION samanlikna med dei som ikkje går på legemiddelet. Medan den er klassifisert som ein ‘særs sjeldan’ biverknad som råkar rundt 1 av 10 000 brukarar, gjer den irreversible naturen til tilstanden dette alarmerande. […]

(Sjå òg «Novo Nordisk kjem med absurde nye helsepåstandar om Wegovy – som er laga av ØGLEGIFT», publisert 13.juli 2024.)

EMA sin Pharmacovigilance Risk Assessment Committee (PRAC) [«komité for vurdering og overvaking av farmasi»], lanserte etterforskinga si i januar 2025, og gjekk gjennom kliniske forsøksdata, pasientrapportar frå den verkelege verda, og medisinske studiar. Med tanke på kva dei oppdaga, tilrår no tre byrå å oppdatere informasjonshefta til legemiddela for å reflektere denne risikoen – eit trekk som kan påverke legars reseptskrivingsvanar over heile verda.

Novo Nordisk svarer på funna til EMA

Novo Nordisk, den danske farmasigiganten bak desse legemiddela, har sagt at dei skal lyde kravet til EMA. Derimot held dei fast på at fordelane framleis er fleire enn bakdelane.

Selskapet insisterer at verken kliniske forsøk eller overvaking etter at produktet kom på marknaden definitivt har prova at semaglutid forårsakar NAION. Derimot argumenterer kritikarar at regulatorar og produsentar har venta lenge med å adressere stadig fleire tryggleiksbekymringar, inkludert tidlegare etterforskingar rundt sjølvmordstankar og nyrerisiko knytt til desse legemiddela.

(Sjå òg «DØDELEG vekttap: Studie avdekkjer alarmerande samanheng mellom populære vekttap-legemiddel og auke i sjølvmordstendensar», publisert 29.august 2024.)

Semaglutid-baserte legemiddel har revolusjonert behandlinga av sjukeleg overvekt og diabetes, og generert milliardar i profitt for Novo Nordisk. Men selskapet har stått overfor turbulens, inkludert avgangen til leiaren deira i mai midt oppi frykt for å misse dominansen på den stadig meir populære marknaden for vekttaplegemiddel. Konkurrentar som Eli Lilly og deira Zepbound vinn terreng, medan pasientar og legar no prøver å balansere raskt vekttap mot potensielt livsendrande biverknader. […]

EMA tilrår brukarar som opplever plutselege synsendringar om å søkje medisinsk hjelp straks, og vurdere å slutte å ta semaglutid om dei blir diagnostiserte med NAION. Medan den absolutte risikoen framleis er låg, gjer dei irreversible endringane dette til ei kritisk vurdering – spesielt for dei som allereie har augesjukdommar og/eller -tilstandar frå før av.

Avgjerda til EMA kan presse andre regulatorar, inkludert amerikanske Food and Drug Administration (FDA) til å gå gjennom på nytt tryggleiksprofilen til semaglutid. FDA har ikkje infomrert om ein liknande gjennomgang i skrivande stund, men tidlegare tilfelle antydar at internasjonale funn ofte utløyser handling frå amerikansk side. For dei millionane som lit på semaglutid for å behandle diabetes eller gå ned i vekt, er åtvaringa til EMA ei skarp påminning: ingen legemiddel er utan risiko.»

Sjå òg «Den britiske regjeringa skal tvangsinjisere feite, late menneske med vekttap-legemiddelet Ozempic», publisert 18.oktober 2024.