Med dette innlegget vil eg informere mine faste lesarar om at eg i oktober ikkje kjem til å publisere noko om sundagane. Det er fleire årsaker til at eg tek «sundagsfri».

1. Saksyndig er ikkje lenger ein redaksjon. Det er no berre eg som skriv og publiserer artiklar, og dette fører naturlegvis til ein betydeleg nedgang i materiale. Utan å gå i detalj, skjedde det ting i sommar som gjer at mine samarbeidspartnarar bestemte seg for å forlate Saksyndig-skuta.
2. Eg jobbar 100% i ein jobb som har blitt meir krevjande. På grunn av aukande uro i samfunnet har jobben min blitt meir utfordrande, og dette fører til mindre tid og overskot til å skrive artiklar.
3. Eg jobbar for tida med eit større skjønnlitterært prosjekt. Slik eg gjorde før eg starta Saksyndig i 2021, jobbar eg med eit engelskspråkleg prosjekt. Dette prosjektet konkurrerer no med Saksyndig på det vesle eg har av fritid, men er noko eg har valt å prioritere.

Dette er dei tre hovudårsakene. Andre årsaker er av ein privat natur, og kjem ikkje til å bli nemnde her.

Prøveprosjektet Saksundagsfri er med dette innført.