Her kjem ei agurknyheit som dei fleste av oss nok vil ta på ståande fot. Ein ny, banebrytande studie med 90 000 vaksne britar fann ut at å sitje i meir enn 10,6 timar per dag aukar risikoen for hjartesvikt med 45% og kardiovaskulær død med 62%, uavhengig av treningsvanar. Å sitje seinkar blodomløpet, gjer arteriar stivare og svekkjer metabolismen. Dette fører til insulinresistens, betennelse og raskare celle-aldring. Trening åleine kan ikkje reversere dette. Moderne stillesitjande livsstil har skapt ei skjult helsekrise – men der finst heldigvis enkle strategiar for å motverke denne «sitje-døden».

Ava Grace i Natural News skriv (Saksyndig si omsetjing):

«Moderne liv er laga for beleilegheit – skrivebord, bilar og skjermar dominerer daglege rutinar, og held folk sitjande i timevis. Men denne tilsynelatande harmlause vanen skader hjartehelsa, og aukar risikoen for hjartesvikt, ujamn hjarterytme og til og med tidleg død. Ny forsking bekreftar at til og med jamleg trening ikkje fullt ut kan motverke skaden forårsaka av langvarig sitjing. Løysinga? Jamlege rørsler gjennom dagen – ikkje berre planlagde treningsøkter – er essensielt for å beskytte hjartet.

Banebrytande studie skjuler dei skjulte farane ved sitjing

Ein banebrytande studie publisert i Journal of the American College of Cardiology analyserte data frå nesten 90 000 mellomaldrande og eldre vaksne i Storbritannia, og avdekte alarmerande samanhengar mellom stillesitjande åtferd og hjartesjukdom. Funna utfordrar konvensjonell visdom, og provar at treningsøkter åleine ikkje kan redde dei som sit mesteparten av dagen. […]

Forskarar spora deltakarar ved hjelp av armbandsur-baserte aktivitetsovervakarar, noko som fjerna unøyaktigheitene tilknytt sjølvapporterte data. I ein periode på åtte år fann dei ut at dei som sat meir enn 10,6 timar dagleg, hadde 45% høgare risiko for hjartesvikt, og 62% høgare risiko for kardiovaskulær død samanlikna med dei som sat i færre enn 9,4 timar. Sjølv aktive individ vart ikkje skåna; dei som oppfylte dei tilrådde 150 minutta med trening i veka står framleis overfor auka risiko om dei sit i mange, lange timar. Nøkkelkunnskapen er tydeleg: trening åleine fjernar ikkje skaden assosiert med å sitje heile dagen.

Kvifor det å sitje øydelegg hjartet og forbrenninga di

For mykje sitjing generelt ser òg ut til å auke risikoen for død av hjartesjukdom og kreft. Menneskekroppen vart ikkje laga for å vere so lenge i ro. Å sitje seinkar blodsirkulasjonen, gjer arteriar stivare og svekkjer effektiviteten til hjartet. Over tid fører dette til dårleg blodomløp, noko som aukar risikoen for blodpropp og betennelse. Det fremjar i tillegg insulinresistens, som kan utløyse vektauke og metabolske forstyrringar. Sitjing over lang tid seinkar i tillegg mitokondrie-funksjonen, som reduserer energiproduksjon og akselererer cellealdring. Det å stå og vere i mild rørsle reaktiverer musklar, og forbetrar sirkulasjonen og den metabolske funksjonen, noko det å berre sitje ikkje kan gjere.

Enkle strategiar for å motverke risikoen

Det mest kritiske steget er å redusere dei totale sitje-timane. Dersom du sit ved eit skrivebord, still inn ein alarm for når du skal stå eller gå i 5-10 minutt ein gong i timen. Sjølv små avbrot hjelper. Hev-og-seink-skrivebord eller det å spasere rundt i rommet under telefonsamtalar kan reaktivere blodflyten og forbrenninga – enkle skifte av sitjestilling utgjer ein betydeleg skilnad.

Å erstatte berre ein halvtimes sitjing med spaserturar lågnar risikoen for hjartesvikt med sju prosent, ifølgje studien. Gå etter måltid, ta trappa [i staden for heisen], eller bruk ei gåmatte medan du jobbar. Trening er særs viktig, men konstant rørsle speler ei større rolle. Gå under møte, parker lenger unna eller strekk på deg medan du ser TV.

Å bruke ein stegteljar for å setje mål kan òg hjelpe. Sjølv kvardagslege, relativt rolege rørsler – slik som ved hagearbeid, hushaldsoppgåver eller leike med barna – er steg på veg mot betre hjartehelse.

Vegen vidare: Små endringar, livsvarige fordelar

Vitskapen er tydeleg: Å sitje er den nye røykinga. Men ulikt det å slutte med sigarettar, krev ikkje det å redusere sitjetid drastiske tiltak. Å stå meir, gå ofte og bryte opp lange sitje-periodar kan dramatisk lågne hjarterisikoen – utan medlemskap i Sats eller ekstreme diettar.

For eit sunnare hjarte, beveg deg meir, sit mindre. Kroppen vart laga for rørsle, ikkje stillstand. Dess tidlegare folk erkjenner den sanninga, dess lenger og sterkare vil hjarta deira slå.»