RT rapporterer:

Ein «militant» faksjon av innvandringsvennlege politikarar har oppsyn over «utskiftinga» av kvite europeiske kristne med muslimske innvandrarar, erklærer den ungarske statsministeren Viktor Orbán.

«I Europa er der ei utveksling av befolkningar, talet kvite, kristne, tradisjonelle – lat oss kalle dei europearar – folkeslag minkar, og talet innvandrarar som blir importert og talet menneske som høyrer til det muslimske samfunnet fødd her, aukar radikalt,» sa Orbán til Kossuth Radio fredag [21.juni 2024].

Den tyske politikaren Manfred Weber, som leiar senterpartiet Det europeiske folkepartiet (EPP) i Europaparlamentet, er «beelzebub»-en som er ansvarleg for dette påståtte komplottet, heldt Orbán fram, og la til at Europakommisjonspresident Ursula von der Leyen er Weber si «vesle tenestejente», som er ansvarleg for denne implementeringa.

EPP er framleis den største faksjonen i Europaparlamentet etter vala førre månad. Derimot har tilbakegangen til Dei grøne og ein auke i støtte til høgreorienterte parti etterlate EPP med færre allierte som dei kan bruke til å få vedteke lovverk.

Nokre timar etter at han snakka med Kossuth Radio, flaug Orbán til Berlin for å møte den tyske kanslaren Olaf Scholz i forkant av at Ungarn skal få EU-rådet sitt ambulerande presidentskap neste månad. Den ungarske statsministeren hevda at Tyskland har lide omfattande som eit resultat av innvandring, og «ikkje lenger ser ut slik det gjorde for ti år sidan».

«Dette Tyskland er ikkje lenger det Tyskland som våre foreldre og besteforeldre såg opp til som eit døme,» sa han, og la til at landet no er «ei fargerik, endra, multikulturell verd» der migrantar «ikkje lenger er gjester».

Ungarn sin ståstad rundt immigrasjon har plassert landet på kant med Brüssel i seinare år. Tidlegare denne månaden gav Den europeiske domstolen (ECJ) Budapest ordre om å betale 200 millionar euro [2,26 milliardar kroner] for å ikkje følgje EU sitt asyllovverk, og påførde dagbøter på éin million euro per dag heilt til Ungarn fullt ut innfører lovverket. Ifølgje domstolen har Budapest avgrensa migrantar sin tilgang til asylprosedyrar sidan 2020, noko som gjer prosessen å sende inn søknader «so godt som umogleg».

«Det ser ut til at ulovlege innvandrarar er viktigare for Brüssel-byråkratar enn deira eigne europeiske borgarar,» responderte Orbán, og lovde å «finne på ein måte, slik at [rettsavgjerda] skader Brüssel meir enn den skader oss».

Orbán vart krisitert i tyske media for kommentarane sine fredag [21.juni 2024], der avisa Merkur i München skulda han for å spreie «konspirasjonsmytar» om innvandring.

Ideen om ei sokalla «Stor utskifting» blir ofte avfeia av liberale som ein rasistisk konspirasjonsteori. Derimot har andelen kvite europearar minka over heile kontinentet sidan midten på 1900-talet, og europeiske leiarar innrømmer stundom at dei har som intensjon å bruke ikkje-europeisk innvandring for å erstatte den aldrande innfødde arbeidsstyrken.

I ein tale i Aten tidlegare i år, sa europakommissær og Sveriges medlem av Von der Leyen-kommisjonen med ansvar for indre tryggleik, Ylva Johansson, at «lovleg innvandring burde auke med meir eller mindre enn éin million per år» for å oppnå dette målet.

Omsett av redaksjonen i Saksyndig.