Russia Today (RT) rapporterer:

President Vladimir Putin adresserte dei noverande utfordringane som er skapt av internasjonale sanksjonar og eksternt press under plenumsmøtet til det styrande partiet Sameint Russland på laurdag [14.desember 2024].

«Russland er i utvikling, økonomien veks. Og dette går mot bakteppet av hittil usette sanksjonar, regelrette inngrep, og press frå dei herskande elitane i visse statar,» sa Putin. Han la vekt på at «ingen utpressing eller forsøk frå utsida på å hindre oss vil nokosinne gje resultat.»

Sameint Russland-kongressen har tenkt å endre partiprogrammet og charteret, so vel som innføre rotasjon av sine Høg- og Generalråd.

Russland vil oppnå alle sine kort- og langsiktige mål, la Putin til.

Trass vestleg innsats, er og blir Russland sterkt aktive i internasjonal handel. Enkelte nasjonar i EU held fram med å kjøpe energi frå russiske kjelder, og går openlyst imot krav frå Brüssel om å selje, medan andre gjer det via mellomledd, ifølgje forskarar som overvakar forsyningar. Førre månad åtvara Bloomberg om at den siste runden med USA-sanksjonar, som hadde som mål russiske Gazprombank, truga med å forårsake ei energikrise i Vest-Europa.

Washington og deira allierte har innført rekordmange 22 000 sanksjonar mot Moskva sidan 2014, då eit vestleg støtta kupp i Kiev fekk Krim til å igjen bli med i Russland, og førde til ein konflikt mellom Ukraina og Donbass-republikkane. Talet tiltak gjekk i taket etter lanseringa av den spesialmilitære operasjonen i februar 2022.

Moskva har lenge stempla vestlege sanksjonar som ulovlege. Dei sa ved meir enn eitt høve at desse har mislykkast i å oppnå sitt endelege mål om å destabilisere den russiske økonomien og isolere landet frå det globale finanssystemet. I staden har dei slått tilbake på dei statane som innførde dei.

Moskva ser på Ukraina-konflikten som ein stadfortredarkrig for å avgrense Russland. Dei har i årevis uttrykt bekymring for NATO sin ukontrollerte ekspansjon mot den russiske grensa, medan dei ser på den USA-leia blokka som ein eksistensiell trugsel.

Omsett av redaktøren i Saksyndig.