Niamh Harris på nettstaden The People’s Voice melder:

Den polske vise-utanriksministeren Wladyslaw Bartoszewski har bekrefta at landet kjem til å arrestere den israelske statsministeren Benjamin Netanyahu om han prøver å vere til stade på ei minnemarkering i Auschwitz 27.januar.

Han sa Warszawa kom til å respektere og lyde arrestordren som er utstada av Den internasjonale straffedomstolen (ICC), som skuldar Netanyahu for krigsbrotsverk i Gaza.

Netanyahu, som fryktar å bli arrestert, har valt å hoppe over arrangementet som markerer 80-årsdagen for frigjeringa av konsentrasjonsleiren i Auschwitz.

RT rapporterer: Warszawa sin toppdiplomat sa at Polen, som har underskrive på Roma-statutten, har plikt å lyde direktiva til Den internasjonale straffedomstolen (ICC). I november utstada ICC ordrar om arrestasjonen av Netanyahu og den tidlegare forsvarsministeren i Israel Yoav Gallant, og dei viste til påståtte krigsbrotsverk relatert til den noverande konflikten i Gaza.

Domstolen skulda Netanyahu og Gallant for å bruke svolt som ein krigføringsmetode, og hevda at dei forsettleg frårøva sivile i Gaza mat, vatn og medisin. Der var «ikkje noko openbert militært naudsyn» for slike handlingar, som utgjorde brot på internasjonal lov ifølgje påtalemakta.

Israels utdanningsminister Yoav Kisch er venta å vere den einaste statlege representanten på minnemarkeringa i Auschwitz, rapporterer Jerusalem Post. Deltakinga av president Isaac Herzog «verkar usannsynleg».

Medan alle 27 EU-medlemsstatar er part i Roma-statutten og dermed påkravde å handheve arrestordrar frå ICC, har responsen på avgjerda til domstolen variert. Den ungarske statsministeren Viktor Orbán har ope invitert Netanyahu på besøk, og forsikra han om at Ungarn ikkje kjem til å handheve arrestordren.

Motsett har land som Spania, Nederland, Belgia, Irland, Litauen og Slovenia gjort til kjenne sin intensjon om å lyde ICC-direktiva, uavhengig av diplomatisk immunitet.

Frankrike uttrykte fyrst sin intensjon om å lyde arrestordren, men viste seinare til diplomatisk immunitet-beskyttelse for Netanyahu.

Handlinga til ICC har utløyst sterke reaksjonar frå israelske tenestepersonar. Statsminister Netanyahu har samanlikna arrestordren med ein «moderne Dreyfus-affære», og slått fast at dei er politisk motiverte.

Omsett av redaktøren i Saksyndig.