Amerikanske Federal Aviation Administration (FAA), det amerikanske luftfartstilsynet, har kome med ei åtvaring om potensielle forstyrringar i flyreiser på grunn av den komande totale solformørkinga 8.april. Nettstaden The People’s Voice rapporterer:

«Den himmelske hendinga skal etter planen skape total formørking i 13 amerikanske delstatar, og ifølgje luftfartstilsynet er den venta å påverke luftfartsoperasjonar før, under og etter formørkinga.

Activist Post rapporterer: FAA indikerte at effektane til formørkinga på amerikansk luftrom er venta mellom ca. 14:30 og 15:40 austkysttid. På den tida ventar ein at rundt 32 millionar menneske i Nord-Amerika kjem til å bli vitne til den sjeldne hendinga, som er venta å bli den mest sette solformørkinga i historia.

Ei total solformørking skjer når nymånen passerer direkte framfor sola, og stengjer fullstendig ute sollyset og kastar skuggen sin på jordoverflata. Den mest nylege totale solformørkinga som skjedde på amerikansk jord var Great American Eclipse i 2017.

Ei melding frå FAA til pilotar la vekt på potensielle påverknader på lufttrafikken og flyplassar langs formørkingsvegen frå 7. til 10.april. Pilotar og luftfartspersonell blir råda om å halde seg informerte og førebudde på moglege forstyrringar.

I ei melding føreslå FAA at fly burde førebu seg på potensiell tilbakehalding frå letting, omvegar, og avgangs-klaringstider som kan kome for alle innanlands ankomstar og avgangar under formørkinga.

Avgåande fly frå flyplassar langs formørkingsvegen blir ‘sterkt oppmoda’ til å koordinere sine avgangstider so tidleg som mogleg for å hjelpe bakkemannskapet med å gjere klare fly og lette på lettekøer på rullebanene.

‘Der kan bli eit høgare trafikkvolum enn det ein normalt forventar på flyplassar langs vegen til formørkinga. Trafikk burde forvente forseinkingar under verste rushet,’ sa FAA.

Byrået åtvara at parkering kan bli avgrensa, spesielt på små, ukontrollerte flyplassar. Forseinkingar med å gje klargjering til å lette kan òg skje. […]

Formørkinga vil òg påverke eller til og med forby fly frå å utføre øvingar og pilotttrening på flyplassar under hendinga. […]

Denne hendinga, som har fått kallenamnet Great North American Eclipse, er venta å bli meir imponerande enn den i 2017, vare lenger, dekkje større landområde, og bevege seg gjennom tettare befolka delar av Nord-Amerika.

8.april kjem den til å byrje over det sørlege Stillehavet og flytte seg mot Nord-Amerika, der den breier seg over Mexico, USA og Canada. 2024-hendinga vil flytte seg i ei anna retning enn 2017-hendinga, og lage eit kors på USA.

Skuggen til månen vil skape eit relativt smalt band på rundt 100 miles [160 kilometer] over jordoverflata. For å oppleve 100% total solformørking, må sjåarar vere i dette smale bandet. Dette vil avsløre ‘stjerna sin ytre atmosfære, som blir kalla koronaen’, ifølgje NASA.

Den totale solformørkinga vil vare lenger enn fire minutt i enkelte delar av USA.»

Omsett av redaksjonen i Saksyndig.