Niamh Harris på nettstaden The People’s Voice rapporterer:

Ein ny europeisk parlamentarisk allianse mellom Marine Le Pen, Viktor Orbán og andre leiande populistar, har akkurat blitt den tredje største gruppa i EU-parlamentet.

Det er òg den største populist-gruppa i historia til blokka.

Erklæringa om den nye alliansen kom etter Frankrike sitt overraskande valresultat, der Le Pen sitt Rassamblement National kom på tredje plass etter taktisk røysting for å stengje ute ytre høgre.

Andre prominente partnarar i den nye «Patriotar for Europa»-gruppa skal inkludere italienske Matteo Salvini sitt Lega, ANO-partiet til den tidlegare tsjekkiske statsministeren Andrej Babis, det austerrikske Fridomspartiet (FPÖ), det spanske VOX-partiet, og nederlandske Geert Wilders sitt Parti for fridom (PVV).

Patriotane «skal bli bestemte når det gjeld å endre framtida til Europa», sa Salvini.

Breitbart rapporterer: I kjølvatnet av store sigrar rundt om på kontinentet under førre månads EU-parlamentsval, har ei ny populist-gruppering hoppa bukk over Giorgia Melon sitt senter-høgre Europeiske konservative og Reformistar (ECR) og Emmanuel Macron sitt nyliberale Forny Europa (RE) til å bli den tredje største faksjonen i Brüssel.

Patriotar for Europa, som har erstatta Identitet og demokrati (ID)-gruppa, vil bli leia av den tidlegare franske presidentkandidaten Marine Len Pen sitt Rassamblement National og den ungarske statsministeren Viktor Orbán sitt Fidesz.

Med 84 medlemmer i Europa-parlamentet, skal den nye grupperinga berre ha 11 meir enn sin forgjengar ID – derimot vil påverknadskrafta deira bli forsterka av reduksjonen av parlamentarikarar frå 750 til 720. Det er òg den største gruppa av populist-faksjonar i historia til EU-parlamentet, rapporterer The Guardian.

Det tydar òg at populistane har gått forbi Meloni sitt ECR (78) og Macron sitt RE (76) i røystarstyrke og ligg berre bak Ursula von der Leyen sitt Europeiske folkeparti (EPP) på 188, og Sosialistar og Demokratar (SD) på 136.

Gruppa skal bli leia av den nye stjerna i Rassamblement National, Jordan Bardella, og Ungarns Kinga Gál som viseleiar.

«Patriotar for Europa representerer håp for dei titals millionane av borgarar i dei europeiske nasjonane som verdset sin identitet, suverenitet og fridom,» sa Bardella ifølgje Euronews.

Den ungarske leiaren Orbán sa: «Vi ønskjer ikkje eit europeisk imperium, vi ønskjer ikkje eit europeisk USA, vi ønskjer ikkje grå massekontroll frå Brüssel, vi ønskjer ikkje eit kommando-og-kontroll-system. Vi ønskjer nasjonal suverenitet og uavhengigheit under våre eigne nasjonalflagg.»

Omsett av redaksjonen i Saksyndig.