Steigan rapporterer 22.juli 2023 at Trond Harald Haaland frå Stavanger rundt 21.juli vart tvangsinnlagt etter lov om psykisk helsevern. Haaland har ifølgje Steigan vore ein aktiv kritikar av norsk helsevesen i samband med lockdownpolitikken og dei sokalla «vaksinane» som fleirtalet i landet vart lurt og/eller pressa til å ta. Det byrja å gå rykte på Facebook 21.juli om at Haaland hadde blitt tvangsinnlagt på grunn av eit innlegg han hadde skrive på Facebook.

Advokat Barbro Paulsen (som var den som nyleg representerte Iris Frohe i erstatningssaka hennar som vart anka), har blitt leigd inn til å representere Haaland, og ho bekreftar at han har blitt tvangsinnlagt etter lov om psykisk helsevern, nærare bestemt §3-2, som dekkjer tvinga observasjon. Ho etterspurde dokumenta relatert til saka 19.juli, men har i skrivande stund (22.juli) enno ikkje fått dei. Ho har heller ikkje fått vete grunngjevinga til at Haaland har blitt tvangsinnlagt. Ho har derimot fått beskjed frå sjukehuset at det skal ha kome ei anonym bekymringsmelding. Ettersom terskelen for tvangsinnlegging er særs høg, ser Paulsen på dette som svært uvanleg, og ho kan heller ikkje sjå argument som er gode nok til å gjennomføre eit slikt inngrep i nokon sitt liv.

Ein kvinneleg lege, som ikkje har møtt pasienten, har føya til at innlegginga òg gjeld lov om psykisk helsevern §3-3. Ifølgje Paulsen framstår grunngjevinga som svært vag og svakt grunngjeven.

Steigan skriv so:

«På Facebook hevdes det at Haaland skal ha brukt betegnelsen ‘massemord’ om dødsfallene som skyldes vaksinen. Dette har vi foreløpig ikke fått bekreftet, men vi aner allerede en rettslig og helsemessig skandale.

Hvis vi et øyeblikk forutsetter at dette er tilfelle, nærmer vi oss en situasjon der sosiale medier som jo er kontrollert av de rikeste og mektigste menneskene i verden i samarbeid med vestlige etterretningstjenester, kan spille vegg med helsevesenet om å få tvangsinnlagt brysomme kritikere.»

For ei tid tilbake skreiv bloggaren Are Hegrand nettopp om faren for å bli tvangsinnlagt på grunn av meiningane sine. Er dette tilfellet med Trond Harald Haaland? Det gjenstår å sjå. Verken Steigan eller Saksyndig tek stilling til om dette er tilfellet førebels, ettersom dei relevante saksdokumenta enno ikkje er kjende. Det kan naturlegvis òg vere enno ukjende forhold som har ført til tvangsinnlegginga, men på noverande tidspunkt framstår saka som temmeleg mistenkjeleg.