RT.com skriv i ein artikkel publisert 21.desember 2022 at noverande generalsekretær i NATO, Jens Stoltenberg, visstnok er sett på som ein favoritt i Washington som den nye leiaren i Det internasjonale pengefondet (IMF).
Ifølgje artikkelen var det TV2 som rapporterte onsdag 21.desember, og dei siterer «pålitelege» kjelder i den USA-styrte militærblokka (NATO). For tida er IMF leia av Kristalina Georgieva, ein økonom frå Bulgaria, og planen er at vervet hennar skal ta slutt i 2024.
RT.com skriv vidare (mi omsetjing):
«Stoltenberg skulle etter planen forlate NATO i september [2022], men vervet hans vart forlenga til slutten av 2023 på grunn av den pågåande konflikten i Ukraina. Utan ein klar kandidat til stillinga, kan Stoltenberg ende opp med å få vervet sitt forlenga òg lenger enn til 2023 – kanskje for eitt år til – har fleire rapportar i media antyda.»
Og vidare:
«Fleire høgtrangerte politikarar blir visstnok vurderte som den nye leiaren i militærblokka. NATO har visstnok mål om å installere ei kvinne ved roret for fyrste gong, der dei nemner kandidatar slik som presidenten i Slovakia Zuzana Caputova, den estiske statsministeren Kaja Kallas, og den tidlegare kroatiske presidenten Kolinda Grabar-Kitarovic.»
Derimot skriv RT.com:
«I tidleg november rapporterte New York Times at ‘primærkandidaten’ favorisert av Washington til å erstatte den avtroppande NATO-generalsekretæren var Chrystia Freeland, som for tida er finansminister og vise-statsminister i Canada.
Politikaren, kjent for sin pro-ukrainske – og anti-russiske – ståstad, er barnebarnet til Mikhail Chomiak, som publiserte ei pro-nazistisk og anti-semittisk avis i den okkuperte polske byen Kraków. […] Freeland har vore ekstremt tvitydig om sine kontroversielle anar, og har nekta å fordømme sine besteforeldre på morssida, og har til og med skildra dei som ‘i politisk eksil med eit ansvar for å halde i live ideen om eit uavhengig Ukraina’ i sitt 2015-essay My Ukraine.»
Å velje mellom Stoltenberg eller Freeland må vel her kunne seiast å vere som å velje mellom pest og kolera. Men same kor desse to blir installerte, beheld dei jo sine eigentlege arbeidsgjevarar…
saksyndig 